السبت 05 أغسطس 2017 م - 12 ذو القعدة 1438 هـ
  • بنك مصر
  • بنك مصر

أنا وقلبي

أنا وقلبي
2017-06-27 00:01:02

وألف مدينة تفصلنا وألف ديار 
وبرضوا حنيني جارفني كما التيار
فانام واحلم بقرب يدوب الاحجار 
وأقوم واصحى على حقيقة كلسع النار
واعيش واقفة على بابي ف كل نهار 
وأقول ميته نعود تاني لنفس الدار
يابوووي على تقل أيامنا
وخرس الصوت ف أحلامنا
يابوي ع القلب لما ما يعقل الأقدار 
ويصرخ في جناباتك ويعمل زار
يدق الدف والطبلة ويمسك تار 
تقوله بعيد ماتتجننش واعقلها 
يقولك طب وانا مالي وتلقاه ثار
ولا يطاوعك ولا تطاوعه 
ولا عندك يفوق عنده 
وتصبح انت وقليبك كقط وفار
 وتيجي الصدفة من تاني وتجمعنا. ..بلا معنى 
تبصلي وابصللك والاقي سكر النظرة بطعم مرار
واكون خايفة ..وقلبي جرئ كما الإعصار 
عاوز يعلن ..وأنا ارفض
ف نتخانق ونتعارك
وترجع انت لديارك 
ونشطب عام.... 
وانتظرك تعود تاني وامني القلب بأماني 
فيغضب مني ويعاني
وأنا. .....انهااار

أُضيفت في: 27 يونيو (حزيران) 2017 الموافق 1 شوال 1438
منذ: 1 شهر, 9 أيام, 2 ساعات, 15 دقائق, 47 ثانية
0
الرابط الدائم

التعليقات

500914
البنك الأهلي المصري
البنك الأهلي المصري